Mga Alituntunin para sa User ng Generative AI ng Adobe

1. Bawal ang AI/ML Training

Kapag ginagamit ang aming mga feature ng generative AI, kasama ang mga may kinalaman sa isang AI model na may label na na-develop ng isang third party (“Model na Hindi Galing sa Adobe”), sumasang-ayon kang gagamitin mo lang ang mga ito para sa iyong trabahong malikhain at sa productivity at hindi para mag-train ng mga model ng artificial intelligence o machine learning.

Ibig sabihin nito, hindi mo dapat gamitin ang anumang content, data, output o iba pang impormasyong natanggap o hinango sa anumang feature ng generative AI upang direkta o hindi direktang gumawa, mag-train, mag-test, o kung hindi naman ay magpahusay ng anumang mga machine learning algorithm o artificial intelligence system, kasama ang anumang mga arkitektura, modelo, o weight, at hindi mo rin dapat hayaang gawin ng mga third party ang mga iyon.

2. Maging Magalang at Ligtas

Huwag gamitin ang mga feature o serbisyo ng generative AI ng Adobe, kasama na ang mga Model na Hindi Galing sa Adobe, sa paraang lumalabag sa mga naaangkop na batas o nakakasama sa iba. Halimbawa, huwag:

• Gumawa ng pornograpikong materyal o tahasang kahubaran
• Gumawa ng mapoot o lubhang nakakasakit na content na umaatake o nagde-dehumanize sa isang grupo batay sa lahi, etnisidad, bansang pinagmulan, relihiyon, malubhang sakit o kapansanan, kasarian, edad, o oryentasyong sekswal
• Purihin ang graphic na karahasan o gore
• Mag-promote ng pananakit sa sarili
• Magpakita ng mga hubad na menor de edad o mga menor de edad sa sekswal na paraan
• Mag-promote ng terorismo o marahas na ekstremismo
• Magpakalat ng mali, mapanloko, o mapanlinlang na content na maaaring humantong sa pinsala sa totoong buhay
• Labagin ang mga karapatan sa privacy ng iba
• Makisali sa mga aktibidad na sumasailalim sa regulasyon nang hindi sumusunod sa mga angkop na kinakailangan

Ang iyong mga prompt at ang mga resultang na-generate ng mga feature ng generative AI sa mga produkto ng Creative Cloud ay maaaring suriin sa pamamagitan ng awtomatiko (hal., machine learning) at manu-manong mga paraan para sa mga layunin sa pag-hadlang sa pang-aabuso at pag-filter ng content.

Pakitandaang maaari naming iulat ang anumang materyales na nananamantala sa mga menor de edad sa National Center of Missing & Exploited Children (NCMEC).

Kung sa anumang oras ay naniniwala kang may lumabag sa Mga Alituntunin na ito, pakiulat ito sa pamamagitan ng pakikipag-ugnayan sa amin sa abuse@adobe.com.

3. Maging Totoo

Dini-disable namin ang mga account na nakikibahagi sa mga pagkilos na mapanlinlang o nakakapinsala, kasama na ang:

• Paggamit ng peke, mapanlinlang, o hindi tamang impormasyon sa iyong profile
• Pagpapanggap bilang ibang tao o entity
• Paggamit ng mga hindi awtorisadong awtomatiko o scripting na proseso (tulad ng maramihan o awtomatikong pag-upload ng content sa pamamagitan ng isang script)
• Pakikisangkot sa mga scheme o third-party na serbisyo upang mapalakas ang pakikipag-ugnayan sa account (artipisyal na pagpapataas ng bilang ng mga pagpapahalaga, pag-view, o iba pang sukatan)

4. Galangin ang mga Karapatan ng Third Party

Ipinagbabawal ang paggamit ng mga feature ng generative AI ng Adobe upang gumawa, mag-upload, o magbahagi ng content na lumalabag sa mga karapatan sa copyright, trademark, privacy, publicity, o iba pang karapatan ng third party. Maaaring kabilang dito ang, ngunit hindi limitado sa, paglalagay ng mga text prompt na idinisenyo upang bumuo ng content na may copyright, trademark, o kung hindi naman ay lumalabag na content, pag-upload ng input o reference image na may kasamang content na may copyright ng isang third party, pagbuo ng text na nangongopya ng content ng third party, o paggamit ng personal na impormasyon ng isang third party na lumalabag sa kanilang mga karapatan sa privacy o pagprotekta ng data. Kung hindi ka sigurado kung nilalabag ng iyong content ang mga karapatan ng isang third party, maaari kang makipag-ugnayan sa isang abogado o sumangguni sa mga materyales na sanggunian na available sa publiko sa mga sumusunod:

• U.S. Copyright Office [https://www.copyright.gov/circs/circ01.pdf]
• U.S. Patent & Trademark Office [https://www.uspto.gov/trademark]
• Lumen [https://www.lumendatabase.org/]

Kung gusto mong iulat ang maling paggamit ng sarili mong malikhaing gawa o ng sarili mong intelektwal na ari-arian ng isa sa aming mga user, magagawa mo iyon dito: Patakaran sa Pag-alis ng Intelektwal na Ari-arian na matatagpuan sa https://www.adobe.com/ph_fil/legal/dmca.html. Kung mayroon kang hindi pagkakaunawaan sa kontrata o iba pang hindi pagkakaunawaan sa isang user ng Adobe tungkol sa content na na-upload niya sa aming mga produkto at serbisyo, pakilutas ang isyu nang direkta sa user. Hindi namin kayang maging tagapamagitan sa mga hindi pagkakaunawaan tungkol sa kontrata, trabaho, o iba pang mga hindi pagkakaunawaan sa pagitan ng aming mga user at ng publiko.

5. Gamitin ang Iyong Dunong

Ang mga na-generate na output ay paminsan-minsang maaaring maging mali o hindi tumpak. Bilang resulta, pakigamit ang iyong dunong upang suriin at patotohanan ang mga na-generate na output.

Huwag maglagay ng sensitibong personal na impormasyon (tulad ng mga rekord ng kalusugan, personal o pampublikong address, o impormasyon ng eksaktong lokasyon) maliban na lang kung ang feature ng generative AI ay partikular na idinisenyo para iproseso ang ganitong uri ng impormasyon.

6. Walang Payong Propesyonal

Ang mga feature ng generative AI ay hindi inilaan para sa payong propesyonal. Huwag gumamit ng mga feature ng generative AI upang humingi o magbigay ng legal, medikal, pinansyal, o iba pang uri ng payong propesyonal o anumang opinyon, hatol, o rekomendasyon nang hindi nagsasagawa ng sarili mong independiyenteng konsultasyon o pananaliksik. Hindi maaaring palitan ng mga feature ng generative AI ang payo na ibinibigay ng isang kwalipikadong propesyonal at hindi ito bubuo ng anumang ganoong ugnayan (hal., ugnayan ng abogado-kliyente).

7. Content Credentials

Maaaring mag-attach o mag-publish ang Adobe ng Content Credentials para sa content na ginawa gamit ang mga feature ng generative AI upang ipaalam sa mga tao na ito ay na-generate gamit ang AI. Alamin pa ang tungkol sa Content Credentials (https://helpx.adobe.com/ph_fil/creative-cloud/help/content-credentials.html).

8. Komersyal na Paggamit

Sa pangkalahatan, maaari kang gumamit ng mga output mula sa mga feature ng generative AI sa mga komersyal na proyekto. Gayunpaman, kung itatalaga ng Adobe sa produkto o sa ibang lugar na ang isang beta na bersyon ng isang feature ng generative AI ay hindi maaaring gamitin sa komersyo, ang mga na-generate na output mula sa beta feature na iyon ay para sa personal na paggamit lang at hindi maaaring gamitin sa komersyo.

9. Mga Karagdagang Pinagmumulan ng Content

Ang output mula sa aming mga feature ng generative AI ay maaaring magsama ng non-generative content (tulad ng mga Adobe Stock asset) na napapailalim sa mga tuntunin ng iyong kasunduan sa Adobe. Ang non-generative content na ito ay mapapansin sa user interface o kaugnay na dokumentasyon.

10. Karagdagang Impormasyon

Maaari kaming gumawa ng aksyon sa iyong Adobe account kung may matuklasan kaming content o gawi na lumalabag sa Mga Alituntunin na ito. Para sa karagdagang impormasyon tungkol sa kung ano ang maaari at hindi mo maaaring gawin habang ginagamit ang mga feature ng generative AI ng Adobe, sumangguni sa iyong kasunduan sa Adobe.