Adobe Firefly vs. NightCafe: Gumawa ng de-kalidad na AI art gamit ang Firefly.

Inilalarawan ng terminong generative AI ang lahat ng artificial intelligence na gumagawa ng bagong content batay sa mga pattern na natututunan nito mula sa data. Pwedeng kasama sa data na iyon ang mga image, text, musika, video, computer code, o ibang pang content. Ginagamit ng mga model ng generative AI ang data na iyon para mag-generate ng bagong bagay.

Ang mga AI art generator tulad ng Firefly ay ginagawang mga image ang mga prompt na salita. Gamit ang mga tool na ito, magagawa ng mga propesyonal na artist at designer na mabilis na mag-brainstorm, sumubok ng mga bagong ideya, at bumuo ng mga mood board. At ang lahat ng tao, kahit na hindi sila propesyonal, ay magagawang mag-generate ng mga image para sa social media, mga marketing material, mga presentation, o para sa katuwaan lang.

Alamin pa ang tungkol sa kung paano gumagana ang generative AI.

Habang nagbibigay ang karamihan ng mga generative AI tool ng isang function, gaya ng paggawa ng mga image sa text, ang Firefly ay may kasamang ilang feature ng generative AI. Isang magandang alternatibo sa NightCafe ang Firefly web app dahil pwede mo itong gamitin para mag-generate ng mga image, pero makakakuha ka rin ng mga partikular na module para sa pag-generate ng mga text effect at mga bagong color palette. At pwede mong gamitin ang feature na Generative Fill para mag-alis o magdagdag ng mga object sa mga image mo.

Bukod pa sa web app, naka-embed din ang generative AI ng Firefly sa loob ng iba pang Adobe creative app kaya maisasama ito ng mga artist at designer sa kanilang mga workflow. Kung gagamit ka ng Adobe Photoshop, pwede mong gamitin ang Generative Fill at Generative Expand para magdagdag ng mga bagong object sa mga image o i-extend ang canvas gamit ang bagong content na maayos na nagbe-blend sa orihinal na image mo.

Na-develop ng Adobe ang pamilya ng mga model ng generative AI ng Firefly nang isinasaalang-alang ang mga creator at sumusunod sa mga prinsipyo ng pananagutan, responsibilidad, at transparency ng ethics ng Adobe AI.

Sinanay ang paunang komersyal na model namin ng Firefly sa content na may lisensya, gaya ng Adobe Stock, at content mula sa pampublikong domain kung saan nag-expire na ang copyright. Nag-develop kami ng model ng kompensasyon para sa mga contributor sa Adobe Stock na ang content ay ginamit sa dataset para sanayin ang mga model ng Firefly. Hindi nagsasanay ang Firefly sa personal na content ng mga customer ng Adobe Creative Cloud.

Idinisenyo ang Firefly para maging ligtas para sa komersyal na paggamit, para ma-explore ng mga indibidwal at creative na team ng enterprise ang iba't ibang paggamit para sa content na gine-generate nila.

Ang pinakamagandang paraan para malaman ang tungkol sa Firefly ay sa pamamagitan ng pag-explore dito nang ikaw lang. Simulang mag-generate ng mga image nang libre sa web app at tuklasin ang lahat ng pwede mong gawin.