Gumawa ng stamp effects sa Adobe Photoshop.

Buksan ang PSD file na gusto mong gawing stamp.
Puwede mong gawing stamp ang kahit anong artwork, logo, o subject, o puwede mong gamitin ang Type Tool para mag-type ng bagong text na gusto mong gamitin.

I-unlock ang background layer.
Sa Layers panel, i-click at i-drag ang padlock pababa sa Trash icon.

Gumawa ng selection mo.
Gamitin ang mga tool para sa matalinong selection para piliin ang bahaging gusto mong gawing stamp. Puwede mong i-refine ang selection mo gamit ang mga brush tool.

Gumawa ng layer mask.
Sa menu sa itaas, piliin ang Layers › Layer Mask › Reveal All. O kaya, i-click ang Add Layer Mask icon sa ibaba ng Layers panel. Kapag napili na ang layer, i-right-click ang black-and-white na layer mask thumbnail na lumalabas sa tabi ng preview mo at piliin ang Apply Layer Mask.

Magdagdag ng Stamp Effect filter.
Bago mo i-apply ang effect, piliin ang foreground color at background color na gusto mong gamitin sa pamamagitan ng pag-click sa mga color square sa toolbar. Pagkatapos, sa menu sa itaas, piliin ang Filter › Filter Gallery. Buksan ang Sketch folder para mahanap ang Stamp effect.

I-fine-tune ang Stamp effect.
Galawin ang mga Lightness at Smoothness slider para i-adjust ang tindi ng effect. Puwede kang magdagdag ng adjustment layer at maglaro sa brightness, contrast, hue, at saturation hanggang sa mahanap mo ang tamang kombinasyon.

Gawin itong Smart Object.
Sa pamamagitan ng Smart Object, puwede mong pagsama-samahin ang text layer, image layer, mga filter, at mga gradient pero puwede mo pa ring i-edit ang effects. Pindutin ang Shift at i-click ang mga layer. Sa menu sa itaas, piliin ang Layer › Smart Objects › Convert to Smart Object.

Pumili ng texture.
Puwede kang makahanap ng mga libreng texture sa Adobe Stock at i-download ang mga ito sa library mo.

Idagdag ang texture na iyon.
Kopyahin ang texture sa composite mo sa isang bagong layer.

I-activate ang thumbnail ng layer mask.
I-click ang thumbnail ng layer mask para i-activate ito. Kapag active na ang layer mask mo, puwede ka nang kumopya ng pixels dito.

Kopyahin ang pixels.
I-click ang thumbnail ng texture layer at i-click ang image para i-load ang texture bilang selection. Pagkatapos, pindutin ang Ctrl+C sa Windows o Command+C sa Mac para kopyahin ang pixels.

I-paste ang pixels sa layer mask.
Para masigurong maipe-paste mo ang texture pixels sa layer mask, i-hold ang Alt sa Windows o Option sa Mac at i-click ang thumbnail ng layer mask. Magiging puti ang lahat dahil ang mask lang ang nakikita mo. Pagkatapos, pindutin ang Ctrl+V o Command+V para i-paste ang may texture na pixels sa layer mask. I-click ang eye icon sa Layers panel para itago ang thumbnail ng texture at makita mo kung paano naapektuhan ng mga pagbabago mo ang stamp. Dapat magpakita ng mas maraming variation ang stamp dahil sa texture.