illustrator
Magsimulang gumawa ng nakakatuwang kamukha ng mga kaibigan at celebrity. Pagkatapos ay i-explore ang pinakamahuhusay na paraan para mamukod-tangi ang mga caricature mo — mula sa makukulit na hitsura ng mukha hanggang sa espesyal na props.
Ang caricature ay isang style ng pagguhit na kadalasang lumalabas bilang mga extreme na portrait ng mga pulitiko o wacky na souvernir sa boardwalk. Pero hindi lang malalaking ilong at iba pang exaggerated na feature ng mukha ang mayroon sa mga caricature. Ang paggawa ng mga kakaibang paglalarawan ng mga tao — mula sa media o totoong buhay — sa pamamagitan ng pagguhit ng mga caricature ay makakatulong sa iyong maging mas mahusay sa pag-illustrate ng mga tunay at three-dimensional na character. “Naipapakita sa isang caricature kung sino talaga ang isang tao at hindi lang ang hitsura niya, kundi ang personalidad niya,” sinabi ng caricaturist na si Greg Bigoni.
Umaasa ang caricature drawing sa pag-unawa kung sino ang subject. Ang pag-alam sa kung ano ang mahalaga sa ganitong uri ng cartooning ay mas kapaki-pakinabang kaysa sa pagsunod sa steb-by-step na tutorial. “Kung mas kilala mo ang tao, mas madali mong siyang magagawan ng caricature,” sinabi ni Bigoni. Sikaping alamin ang interesante sa isang tao, at hindi lang ang hitsura niya. Kung hindi mo pa kilala ang subject, magtanong ka.
Tingnan ang bawat indibidwal na feature ng mukha. Baka pango ang ilong ng subject mo. Pwede mo iyong pagtuunan ng pansin sa drawing. Mahalagang maipakita mo rin ang spacing ng mga feature niya. “Sa madaling salita, tinutukoy natin ang mga proportion,” ipinaliwanag ng illustrator at comic artist na si Jonathan Case. “Medyo magkakaiba ang proportion ng lahat.” Palagi ring pagtuunan ang pagiging natatangi ng katawan ng subject at hindi lang ang mga feature ng mukha niya. Kung madalas siyang magkibit-balikat, ipakita mo iyon.
Sumubok ng mga matingkad na kulay o makapal na linya. Kung gumagawa ka para sa ibang tao, higitan pa ang hinihiling niya. “Mayroon akong isang kaibigan na humiling na iguhit ko siya at ang kanyang partner bilang isang puppet at isang marionette,” sinabi ni Bigoni. “At sinabi ko ‘OK, pero paano kung iguhit ko ang mga tunay na bersyon ninyo na pinapagalaw ang mga puppet?’”
Ang magagandang caricature ay makulit at nakakapanghikayat. Pero maging maingat na hindi makabastos sa isang tao o masaktan ang damdamin niya. “Kailangan mong mag-ingat sa kung paano mo gagamitin ang exaggeration,” sinabi ng illustrator at drawing instructor na si Lucas Ellio. “Kapag nag-exaggerate ka ng katangian ng isang tao, posibleng sensitibo pala ito para sa kanya.”
Ang pagguhit ng mga cartoon na mukha ay talagang mahalagang hakbang sa pag-explore sa kung paano gumuhit ng caricature. Ang mga mata, ilong, at bibig ay mga pangunahing bahagi kung saan maipapakita ang katangian. Gayunpaman, kapag gumuguhit ng mga mukha, kasing halaga ng mga indibidwal na katangian ng bawat feature ang proportion at spacing. Magsimula sa pamamagitan ng pagguhit ng mukha ng caricature mo gamit ang mga linya at simpleng hugis kung saan ilalagay ang mga mata, ilong, at bibig. Dapat ding isaalang-alang ang mga natatanging hugis ng ulo.
Mga tip para sa pag-sketch ng mga ilong.
Ang mga ilong ay ang playground mo pagdating sa pag-exaggerate ng mukha ng tao. “Karaniwan akong nagsisimula sa ilong,” sinabi ni Bigoni. “Pag-iisipan ko muna ang hugis ng mukha — mabilisan kong ia-outline gamit ang lapis kung saan ko ipupuwesto ang iba't ibang bahagi — pagkatapos ay magsisimula ako sa ilong, dahil iaayon ang laki ng lahat mula doon.” Subukang magsanay ng mga technique sa pagguhit ng ilong bago ito gawing cartoon.
Mga tip para sa pag-animate ng mga mata.
Kapag nagsanay ka ng iba't ibang paraan para gumuhit ng mga mata, tingnan kung paano mo mapag-iiba-iba ang mga ito para mapag-iba ang drawing mo. “Mag-isip ng iba pang bagay sa drawing na pwedeng magdulot ng reaksyon sa character mo,” sinabi ni Bigoni. “Mas makikita iyon sa mga mata kaysa sa anupamang feature.” Maraming mapaglalaruan sa caricature na nakatuon sa mga mata pati na rin sa mga hugis ng mata, pilikmata, at kilay.
Mga tip para sa pagguhit ng mga bibig.
Isipin ang hugis ng mga labi ng tao pati na rin kung paano niya iginagalaw ang bibig niya. Sumisigaw ba siya? Nakatikom ba ang labi niya? Nakangiti ba siya? Pwedeng maging kasing expressive ng mga mata ang bibig. “Mahalaga ang mga expression,“ paliwanag ni Bigoni. “Lalo na ang isang expression na nagpapakita ng katangian niya o ng reaksyon niya sa mga bagay.”
Napakahalaga ng proportion.
Kung walang pagkakahawig pagkatapos mong iguhit ang lahat ng feature ng mukha ng caricature mo, posibleng hindi naaangkop ang spacing at proportion. “Mas nakatuon ang aking pagbura at pagbabago ng ayos sa spacing ng mukha ng isang tao, kumpara sa mga hugis ng anumang feature,” sinabi ni Bigoni. Makakatulong ang pagguhit sa digital application gaya ng Adobe Fresco. Subukang iguhit ang bawat feature sa isang hiwalay na layer, para mabago mo ang laki at ayos ng mga ito hanggang sa magmukha itong tama.
Huwag huminto sa mukha. Ang pagdaragdag ng physicality at props sa drawing mo ay dalawang mahahalagang sangkap sa paggawa ng isang di-malilimutang caricature.
Natatangi ang mga katawan gaya ng mga mukha.
Mahalaga ang physicality sa paggawa ng caricature. Maraming pwedeng gawin para maipakita kung ano ang natatangi sa katawan ng isang tao o kung paano niya ipinipresenta ang sarili niya. Gumawa minsan si Bigoni ng caricature ng isang couple para sa imbitasyon sa kasal nila kung saan sila ay ipinakita bilang — literal — na mga skeleton. “Mahalaga sa akin ang gawang iyon, dahil ang sinabi ng babae sa larawan, ‘Skeleton ko lang ito pero kamukha ko pa rin!’” Tingnan kung paano mo pwedeng i-illustrate ang isang paggalaw o aksyon na malamang na gawin ng subject mo. At makakuha ng karagdagang papuri para sa mga tattoo. “Talagang natutuwa ang mga tao kung nailagay mo nang tama ang mga tattoo nila,” sabi ni Bigoni.
Magdagdag ng individualism sa pamamagitan ng props.
Isipin kung sino ang subject mo para malaman kung anong background o props ang posibleng makatulong na mabigyang-buhay ang drawing. I-illustrate kung ano sa tingin mo ang posibleng ginagawa, kinakain, iniinom, o binabasa ng indibidwal. Iguhit ang mga damit na naiisip mong talagang isusuot ng taong iyon. “Huwag mo lang itanong kung ano ang isinusuot niya, itanong mo kung paano niya ito isinusuot,” sinabi ni Bigoni. “Ang isa pang bagay na palagi kong sinusubukang gawin ay idagdag ang anumang pet na mayroon siya. Mayroon pang mga taong nagsabing, ‘Namatay ang pusa ko, pero pwede mo ba siyang ilagay na may halo at mga pakpak?’”
Bagama't karaniwan ang mga live na caricature sa mga event at nangangailangan ng mabilis na paggawa, ang pinakamahusay na pamamaraan para sa pagpapaunlad ng talento mo ay ang paglalaan ng oras mo. Huwag mag-alala kung kailangan mong magdahan-dahan. Magsimula ulit kung nahihirapan kang tapusin ang isang gawa. “Kung minsan ay may kailangan akong burahin dahil masyadong exaggerated ang ginawa ko. “Kung minsan, may binubura ako dahil kulang sa detalye ang ginawa ko. Alamin kung anong balanse ang pinakakumakatawan sa tao at huwag matakot na subukan ito nang paulit-ulit,” sinabi ni Bigoni.
Magsanay gamit ang mga celebrity.
Magsimula sa pamamagitan ng pagguhit ng mga sikat na tao mula sa paborito mong media o mga sports team. Makakatulong na malamang na pamilyar ka na sa kanila at mga mannerism nila, at may napakaraming reference na larawan ng mga celebrity na available online.
Magbukas ng digital sketchbook.
Subukang buksan ang Adobe Fresco o Adobe Photoshop at mag-sketch ng iba't ibang element ng isang caricature sa iba't ibang layer. Sa ganitong paraan, maaari kang mag-eksperimento ng iba't ibang feature at props nang hindi nagsasayang ng kahit isang piraso ng papel.
Mga kapaki-pakinabang na tutorial sa Adobe Fresco.
Bago magsimula, alamin ang mga pangunahing kaalaman sa pagguhit sa Adobe Fresco at kung paano gawin ang una mong digital illustration. Pagkatapos, tingnan kung makakasunod ka sa paggawa ng comic-style na portrait para malaman ang mga bagong technique sa paglalagay ng kulay at texture.
Based on your location, we think you may prefer the United States website, where you'll get regional content, offerings, and pricing.
