Magdagdag ng personalidad gamit ang mga hand-drawn na logo.

Paano gumawa ng hand-drawn na logo.

Ang pinakamagandang paraan para pagmukhaing hand-drawn ang logo ay iguhit talaga ito, sa papel man o gamit ang digital na stylus. Kapag gumawa ng pekeng hand-drawn na logo gamit ang mga template ng logo o iba pang paraan, halos palagi itong nagreresulta sa logo na mukhang may mali o problema. Kung masasabi ng isang viewer na clip art lang talaga ang hand-drawn na logo, palpak ang logo na iyon.

Pinaglalaanan ng oras ang magandang hand-drawn na logo. Posibleng magmukhang doodle ang isang bagay na ginawa ng artist sa loob ng ilang segundo, pero kadalasan ay resulta ang doodle na iyon ng ilang pag-uulit at draft. Sumubok ng iba't ibang ideya para sa logo, ulitin ang mga ito sa iba't ibang paraan, at gamitin nang husto ang tracing paper. Mag-draft ng isang bagay at i-trace ito. I-trace ito nang paulit-ulit hanggang sa mapasimple mo sa isang doodle ang mga visual na element.

Mga digital na tool, low-fi na hitsura.

Pwede kang gumawa ng mga logo gamit ang pisikal na media at pagkatapos ay i-scan ang gawa mo. Pwede ka ring gumamit ng mga app tulad ng Adobe Illustrator at Photoshop para gayahin ang mga pisikal na tool.

Nangangailangan ng oras at pag-iingat para makuha ang tamang histura mula sa mga digital na tool sa pag-design. “Mukhang hand-drawn ang ilang typeface,” sinabi ng designer na si Lenore Ooyevaar, “pero palagi mong mararamdaman na computer-generated ang mga ito. Huwag matakot na ikaw mismo ang magsulat ng mga salita.” Hasain ang sarili mong mga kasanayan sa calligraphy at typography dahil halos palagi mong gugustuhing iangkop o baguhin ang mga dati nang typeface kapag gumagawa ng logo. Kapaki-pakinabang din na ilagay ang buong pangalan ng kumpanya sa typeface na gusto mong gayahin at pagkatapos ay ikaw mismo ang mag-trace nito para magmukha itong hand-drawn.

Inirerekomenda rin ni Ooyevar ang paggamit sa mga tool sa Photoshop at Illustrator na kayang gumaya sa tracing paper. “Pag-eksperimentuhan ang Image Trace,” sinabi niya. Kung minsan, kailangan mo itong iguhit ulit, pero sa pamamagitan ng pagpapatong-patong ng mga image, makakagawa ka ng isang bagay na kalaunan ay ipapahayag ang pagkakakilanlan ng brand sa tamang paraan.

Ginawa ang ilang typeface para gayahin ang cursive o calligraphy. Kung magpapasya kang gamitin ang mga ito, gawin ito nang may pag-iingat. “Kung gagamit ka ng mukhang hand-drawn na typeface, kontrolin ito,” sabi ni Ooyevaar. “Kung mayroon kang dalawang magkaparehong titik sa isang salita, hindi mo gugustuhing maging magkamukha ang mga ito.” Kung masasabi ng viewer mo na gumamit ka ng premade na font, hindi maipaparating ng logo mo ang pagiging authentic. Kahit kapag gumamit ka ng mga digital na tool, tiyaking ipakita ang pagiging handmade ng mga hand-drawn na logo. Ilapat ang personal na style mo sa mga ito at gumawa ng logo na talagang sumasalamin sa mga kasanayan mo.

Gumawa ng mga versatile na hand-drawn na logo.

Tandaang kailangang gawin ng mga hand-drawn na logo ang lahat ng ginagawa ng isang functional na business logo. Scalable dapat ito: magandang tingnan kapag may kulay, grayscale, o black and white: at dapat itong umakma sa lahat mula sa mga materyal sa digital marketing, t-shirt, sticker, at hanggang sa mga business card. Kung minsan, ganap na kumakatawan ang logo sa pangalan ng negosyo, at agad dapat itong natutukoy. Kung nagplano ka nang mabuti, magagawa ng logo mo ang lahat ng iyon. Gayundin, ipapaalam nito sa mga viewer ang uri ng negosyong kinakatawan nito: isang lugar na nag-aalok ng personal na style at atensyon sa lahat ng gawa nito, hanggang sa logo.