Adobe Photoshop vs. Photoshop Elements: Aling pang-edit ng larawan ang para sa iyo?

Dalawang mahusay na application.

Pwede kang gumawa ng mga nakakamanghang adjustment sa mga larawan mo gamit ang Photoshop o Adobe Photoshop Elements. Parehong app ang may mga feature na mahusay at nakakatipid ng oras na gumagamit ng teknolohiyang AI ng Adobe Sensei. Pwede kang gumawa ng mga tonal at color adjustment, mag-dehaze, magpakinis ng balat, at magpalit ng mga background sa pareho. Paano nagkakaiba ang mga app na ito?

Gumawa ng mga advanced na composite

Inimbento ng Adobe ang mga layer sa Photoshop 3.0, at nananatiling pangunahing feature ang mga ito ng mga graphic design at video editing app ng Adobe Creative Cloud. Gamit ang mga layer, pwede kang mag-retouch ng mga image at magdisenyo ng lahat ng bagay mula sa mga online na ad hanggang sa mga detalyadong background para sa mga pelikula. Magpatong-patong ng mga image at pumili ng mga bahagi ng bawat layer na ipapakita o itatago.

Gamit ang mga layer ng fill at adjustment, mababago mo ang mga kulay at tone nang hindi permanenteng binabago ang image. Magdagdag ng mga text overlay, vector graphics, at special effect para gumawa ng mga perpektong pampropesyonal na image.

Makakuha ng mas maraming opsyon sa pag-export.

Dahil ginagamit ng mga propesyonal na photographer at designer ang Photoshop para sa napakaraming layunin, mahalagang makapag-export ng gawa mo sa iba't ibang format. Sa Photoshop, pwede kang mag-export ng mga file bilang mga PSD document, artboard, layer, at grupo ng layer.

Mag-export bilang mga vector image, o SVG file, para ma-scale up mo ang mga design mo nang hindi nawawalan ng sharpness at linaw. O makatipid ng data at oras sa pag-load kapag ginawa mong mga format na PNG, JPG, at GIF file ang mga ito. At mapipili mo ang gusto mong color mode, gamit ang RGB para sa online na gawa at CMYK para sa print.

Gumawa sa 3D.

Ang Photoshop ay may mga tool na madaling gamitin para magdagdag ng third dimension sa mga 2D model. Lalong kapaki-pakinabang ito para sa mga interior designer, arkitekto, at designer ng packaging ng produkto para magkaroon ng ideya ng magiging hitsura ng project sa maagang bahagi ng proseso ng design. Gawing 3D ang layer ng text o i-adjust ang anggulo ng camera, source ng liwanag, o posisyon ng image sa loob lang ng ilang hakbang.

Matuto sa pamamagitan ng mga tutorial.

Sa napakaraming feature at walang katapusang posibilidad, palaging mayroong matututunan. Tumingin ng mga tutorial para sa mga baguhan at sanay nang designer para sa parehong Photoshop at Photoshop sa iPad. Makakuha ng mga tip sa lahat ng bagay mula sa pag-edit ng larawan at pag-composite ng larawan hanggang sa masking ng layer at pag-aalis ng mga object.

Pwede mong pahusayin ang mga kakayahan mo sa tulong ng mga may gabay na project na gumagamit ng mga sample na file at pagsunod sa mga video tutorial. Pwede mo ring buksan ang panel na Discover sa Photoshop para sa mas maraming hands-on na tutorial. Piliin ang Command+F sa Mac o Control+F sa PC para makakita ng ilang kapaki-pakinabang na tutorial.

Sumabay sa mga pinakabagong feature ng Photoshop.

Gamit ang buwanan mong subscription sa Photoshop o Creative Cloud, makukuha mo ang mga pinakabagong update sa sandaling ilabas ang mga ito. Ang sky replacement, mga neural filter, at pag-sync ng preset ay ilan lang sa mga bagong pagpapahusay na pwede mong simulang gamitin sa gawa mo.

Matuto habang gumagawa ka.

Makakuha ng step-by-step na tulong para sa halos kahit anong edit na gusto mong gawin. Mula sa mga basic tulad ng color correction at horizon straightening hanggang sa mga mas kumplikadong galaw tulad ng mga double exposure o color pop, may 58 may gabay na edit kang masusunod at mas mae-enjoy mo na ngayon ang mga larawan mo.

Gumawa at mag-share nang walang hirap.

Gamit ang Photoshop Elements, madaling magdagdag ng mga quote o personal na mensahe sa mga larawan mo. Gumawa ng mga quote graphic sa pamamagitan ng pagdaragdag ng sarili mong text sa mga template, o buuin ang mga sarili mong graphic mula umpisa. Magdagdag ng mga animation na talagang kapansin-pansin.

Kung nasa US ka, pwede mong i-share ang mga larawan mo bilang mga print o sa regalo tulad ng mga case ng device, mug, wall art, at damit. Mag-order ng mga print mula sa FUJIFILM Prints and Gifts service, na kasama mismo sa Photoshop Elements mo.