Virtual photography: Mga picture-perfect na larawan, hindi kailangan ng studio.

Ano ang virtual photography?

Mula sa mundo ng gaming at visual effects, ang cutting-edge na 3D technology ang nasa likod ng bagong yugto ng paggawa ng visual asset. Parami nang parami ang kumpanyang gumagamit ng mga 3D-based asset sa mga workflow nila sa marketing at produksyon para makatipid ng pera sa halip na gumastos sa mga mamahaling studio shoot, at makagawa at makapag-distribute ng mga asset mula sa marketplace nang mas mabilis kumpara sa dati.

Ang mga brand tulad ng IKEA, Coca-Cola, Target, at Amazon ay gumagamit na ng 3D technology para mapakinabangan ang flexibility na ibinibigay nito kapag nag-uulit ng mga konsepto ng design. Malalaking pagbabago rin ang maidudulot nito sa bilis at kahusayan, at makakatulong itong tiyakin ang consistency ng produkto at brand sa maraming initiative sa design at marketing — na mahalaga sa anumang brand, malaki man o maliit.

Mapapansin mo bang ginawa ang image na ito nang buo sa 3D? 

Credit: Daniel Margunato. Ginawa gamit ang Substance by Adobe, Autodesk 3ds Max, at Corona Renderer.

Ang batayan ng virtual photography ay imagery na ginawa para maging katulad ng tradisyonal na photography at magpakita ng mga image ng tunay na mundo na kinuha gamit ang lens ng camera. Pero walang camera at walang lens dito —  ginawa ang lahat ng ito sa isang computer gamit ang kumbinasyon ng mga 3D model at material at mga 2D graphics at image, pati masining na lighting para pagsama-samahin ang lahat ng ito. Kapag tama ang pagkakagawa, pwedeng magmukhang tunay ang virtual photograph.Ang Adobe Dimension ay nagbibigay ng isang virtual photo studio para i-stage ang scene mo mula sa simula, at ang pag-author ng material sa Substance ay nagbibigay-daan sa iyong pagandahin pa ito at makamit ang tunay na photorealism. Kapag nagsikap para masanay sa paggamit ng mga tool na ito, magreresulta ito sa mga image na hindi mapapansin ng mga user na ginawa sa digital realm.

Ano ang mga kalamangan nito sa tradisyonal na photography?

Kapag ginamit nang maayos at nang may kasanayan sa 3D, matutugunan ng virtual photography ang mga pangangailangan sa marketing nang mas mabilis sa tradisyonal na photography, at nagbibigay-daan ito sa higit pang kalayaan at flexibility sa proseso. Sa pamamagitan ng paggawa sa digital realm lang, magagawa mo ang mahirap makuhang perpektong shot ng produkto nang hindi kinakailangang bumuo at mag-ulit ng mga resource-heavy na physical mockup. Lalong pinapadali ng mga app sa Adobe 3D & AR ecosystem na gumawa ng mga photorealistic scene na matitingnan at mare-render mula sa bawat angle, na nagbibigay ng mga pamproduksyong asset para sa lahat ng marketing channel. Ipinapakita ng mga benchmark ng workflow sa tunay na mundo na ang paggamit ng Adobe Dimension para sa mga simpleng image ay mas mabilis kaysa sa mga tradisyonal na paraan, at makakagawa rin ang mga ito ng mas magagandang pinal na resulta.

Credit: Justin Patton at Vladimir Petkovic. Ginawa gamit ang Adobe Dimension.

Makakatulong sa iyo ang virtual photography na matugunan ang lahat ng pangangailangan mo sa asset sa pamamagitan ng pagpapadali ng pagbabago ng mga background at object sa shot para gumawa ng malalaki o maliliit na pagkakaiba. Gumawa ng shot ng produkto sa kitchen countertop, at palitan ito ng isang coffee table o nightstand para mapagtuunan mo ang lahat ng uri ng lifestyle imagery. O gumawa ng bagay na kasing simple ng pagpapalit ng wika ng packaging sa mga shot ng produkto para matugunan ang bawat rehiyon kung saan ito ibebenta. Pwede ka ring mag-share ng mga template at scene sa mga marketing team sa iba't ibang channel, kung kaya, mas madali na ngayong panatilihing fresh ang lahat sa pamamagitan ng pagbibigay sa mga designer kahit saan ng flexibility na mag-update ng mga larawan kapag kinakailangan. Bagong angle, bagong crop, bagong kulay, hindi na kailangang magsimula ulit — walang limitasyon ang pagkamalikhain.

Ang pagpapakita ng mga 360-degree na view ng mga item sa mga web marketplace ay makakatulong sa mga customer na masuri nang mas mabuti ang produkto kumpara sa mga 2D image. Sa tulong nito, magagawa nilang tingnan ito sa maraming angle, mag-rotate at mag-zoom in at mag-zoom out nang realtime, at baguhin ang mga style, laki, at kulay sa isang click lang ng mouse. Ang mismong mga model na iyon ay pwedeng i-leverage para sa mga interactive AR experience na nagbibigay-daan sa kanila na makita kung paano maipupwesto ang produkto sa sarili nilang space sa tunay na mundo. Ang mga kumpanya ng furniture gaya ng IKEA ay may mga AR app na ganoon ang ginagawa, na nagbibigay-daan sa iyong “ilagay” ang mga sofa at upuan sa sala mo gamit ang IKEA Place para makita kung bagay ba ang mga ito (ayon sa style at laki) bago bumili. Isa lang ito sa mga paraan kung paano napapadali ng mga gawang AR na ipakita ng mga kumpanya ang mga ibinebenta nila — at pagpasyahan ng mga customer kung bagay ba ito sa kanila.