Hinuhubog ng lighting ang paraan ng pagtingin natin sa mundo. Sa mga tunay at kathang-isip na space, gumagamit tayo ng lighting para itakda ang mood at magdirekta ng atensyon. Ang mga photographer, cinematographer, filmmaker, at 3D artist ay dapat mga eksperto sa paggamit ng mga lighting effect para gayahin ang realidad o mag-istilo ng scene.
3D Lighting: Mga uri ng Lighting at technique sa 3D Lighting
Limang uri ng source ng 3D light.
Nagsisimula ka man sa mga pangunahing technique sa lighting o gumagamit ka ng mga kumplikadong pagkakaayos, dapat mo munang maunawaan ang mga source ng ilaw na pwede mong gamitin kapag gumagawa ng setup ng lighting.
- Directional light: Ang source ng ilaw na ito ay naglalabas ng mga parallel ray na umiilaw sa isang object na para bang malayo ang isang source — tulad ng araw. Tinatamaan nito ang bawat element sa isang scene nang may pantay-pantay na intensity.
- Area light: Ang source ng ilaw na ito ay tinutukoy ng isang parihabang may mga directional ray na lumalabas mula sa isang partikular na surface. Ang ganitong uri ng ilaw ay katulad ng ilaw na tumatagos sa isang bintana, o para gayahin ang isang studio softbox, at gumagawa ng mga highlight ng mga partikular na hugis.
- Point light: Ang point light ay isang source na umiilaw sa lahat ng direksyon. Pwedeng gamitin ang mga point light para gayahin ang ilaw na nilalabas ng isang lampara o nagbabagang bumbilya.
- Spot light: Bagama't katulad ng isang point light ang ilaw mula sa isang table lamp, ang spot light ay mas katulad ng flashlight. Ang ilaw na nagniningning mula sa isang spot ay limitado sa isang partikular na anggulo. Ang intensity ng ilaw ay nababawasan kapag mas malayo ang object sa source pati na rin sa mga edge ng cone ng ilaw.
- Sky dome lighting: Gamit ang opsyong ito sa lighting, bumababa ang ilaw sa scene mula sa itaas. Karaniwan itong ginagamit para sa mga outdoor scene para gayahin ang effect ng ambient lighting mula sa maliwanag na langit.
Mga halimbawa ng one-, two-, at three-point na lighting.
Bukod pa sa iba't ibang uri ng ilaw, ang bilang ng mga source na gagamitin mo ay tutukoy sa character ng 3D environment.
One-point lighting.
Two-point lighting.
Ang pamamaraang ito sa lighting ay gumagamit ng pangunahing source, o pangunahing ilaw, at pangalawang source. Ang pangunahing ilaw ang mas malinawanag na ilaw. Magagamit ang pangalawang ilaw para i-fine tune ang contrast o ihiwalay ang subject sa background.
Three-point lighting.
Isa itong karaniwang opsyon sa lighting sa mga 3D rendering, na nagmumula sa cinematographic na istilo ng lighting sa Hollywood. Binubuo ito ng tatalong iba't ibang source ng ilaw. Ang pangunahing ilaw ang magiging pangunahing source ng ilaw para sa subject mo. Tutulong ang fill light na kontrolin ang contrast sa pamamagitan ng pagbabawas ng mga shadow mula sa pangunahing ilaw. Ang backlight, o rim light, ay malinawag na ilaw na nilalagay sa likod ng subject para makatulong na ihiwalay ito sa background.
Apat na tip para sa paggawa ng makatotohanang 3D lighting.
Pag-aralan ang totoong mundo.
Ang 3D lighting ay isang sining, at katulad ng maraming anyo ng sining, masisimulan ang pagiging bihasa rito sa pamamagitan ng pag-obserba. Pag-aralan kung paano nagbabago ang lighting sa paglipas ng araw, ang kombinasyo ng mga natural at artipisyal na source na umiilaw sa iyong mundo, at kung paano magbabago ang dating ng isang silid kapag nilipat ang mga source ng ilaw rito.
Panatilihin itong simple.
Partikular sa isang outdoor na 3D scene sa araw, kadalasang sapat na ang isa o dalawang source ng ilaw. Sa tunay na buhay, ang araw ang karaniwang nagbibigay ng karamihan ng liwanag, kaya pwedeng gumamit ng sky dome para gayahin ang pagbabago ng ilaw at mga shadow na karaniwan sa mga outdoor scene. Kadalasang hindi nakailangan ng point, spot, o iba pang source ng ilaw.
Manood ng mga pelikula.
Ang mga cinematographer ay mga bihasa sa design ng lighting. Maraming matutunan ang mga baguhan sa pamamagitan ng panonood ng mga pelikulang pinuri para sa mga cinematic na technique ng mga ito.
Mag-eksperimento sa implied lighting.
Sa pamamagitan ng pag-iilaw sa mga scene na may mga hindi natukoy na source na lampas sa frame ng image mo, posibleng gumawa ng image na parehong mas misteryoso at mas makatotohanan. Hindi magmumukhang nagwawakas sa mga edge ng composition mo ang mundo.
Isaalang-alang din ang kulay.
Bagama't magiging panunahing focus mo ang direksyon at katangian ng source ng ilaw, isaalang-alang din ang kalidad ng ilaw. Ang iba't ibang uri ng ilaw — pure white, bluish, at yellow light, halimbawa — ay magreresulta sa lubos na magkakaibang dating.